«Ակոյի տոնածառը» հայ գրող, դրամատուրգ Ալեքսանդր Շիրվանզադեի ստեղծագործությունն է։ Հայ ռեալիստական արձակի խոշորագույն ներկայացուցիչ Ալեքսանդր Շիրվանզադեն ( Ալեքսանդր Մինասի Մովսիսյան) ծնվել է 1858 թ., Շամախի քաղաքում: Շիրվանզաեյի վրա մեծ ազդեցություն է թողել ռուս գրականությունը, որը նա սիրով ու ջերմորեն կարդացել, ուսումնասիրել է: Մեծ են Շիրվանզադեի ծառայությունները հայ գրականությանը: Նա մի նոր աստիճանի բարձրացրեց հայ թատերգությունը: Շիրվանզադեի ռեալիզմը, բուրժուական հարաբերությունների անողոք քննադատությունը, կյանքի ճշմարտացի պատկերման հետևողականությունը և բազմաթիվ այլ հատկանիշներ նրան դասում են մեծ գրողների շարքին: