«Մեծ ճանապարհին» Ավետիս Ահարոնյանի պատմվածքն է, ուր պատկերված են հայ գյուղացի պատանու խոհերը իրավազուրկ ու դառնությամբ լի կյանքի մասին: Ավետիս Ահարոնյան Առաքելի (հունվարի 9, 1866, Իգդիր, Ռուսական կայսրություն - ապրիլի 20, 1948, Մարսել), հայ հասարակական–քաղաքական գործիչ, գրող։ Մեծ ջանքեր է գործադրել Հայկական հարցի հետամտման, Հայաստանի առաջին հանրապետության կայացման համար։ Նրա գրական ստեղծագործությունները 19-րդ դարի վերջի և 20-րդ դարի սկզբի հայ հեղափոխական սերնդի ներշնչման ու պայքարի աղբյուր էին։