«Սև կատուն» Էդգար Ալլան Պոյի պատմվածքներից է, որն առաջին անգամ տպագրվել է 1843թ․ օգոստոսի 19-ին։ Պատմվածքը մեղքի հոգեբանական վերլուծության ուսումնասիրություն է և համեմատություններ են տարվում Պոյի «Մատնիչ սիրտը» պատմվածքի հետ։ Երկու պատմվածքներում էլ հանցագործը խելամտորեն թաքցնում է կատարած հանցանքը և իրեն անմեղ է համարում, սակայն ի վերջո, դրդված մեղքի ծանր զգացողությունից, խոստովանում է։