«Որսորդի հիշատակարանը» Ի. Ս. Տուրգենևի պատմվածքների ժողովածուն է՝ ուր հեղինակն արտացոլել է ոչ միայն 19-րդ դարի 40-50-ական թվականների ռուս գյուղացիության սոցիալական կարգավիճակը, այլև գյուղացիների հոգևոր կյանքը, որում հսկայական դեր են խաղում տարբեր հավատալիքներ։ Տուրգենևը «Ծերունի Կասյանը» պատմվածքում մարմնավորել է դիցաբանական մտածողության այն տեսակը, որին բնորոշ է սինկրետիզմը, աշխարհի ընկալման ամբողջականությունը՝ իր բոլոր դրսևորումներով, մարդու և բնության փոխհարաբերությունների մշտական զգացումով։