«Ձուն» ամերիկացի գրող Շերվուդ Անդերսոնի պատմվածքներից է։ Պատմությունը ներկայացվում է առաջին դեմքով՝ երեխայի տեսանկյունից, հոր հիասթափության մասին, ով ձգտում էր իր տեղը գտնել աշխարհում: Երեխայի հայրն ապրում էր ինքնաբավ ու երջանիկ գյուղական կյանքով։ Ամուսնությունից հետո «կարիերա կերտելու» իր կնոջ ցանկության ճնշման տակ, նա մի շարք անհաջողությունների միջով է անցնում բիզնես վարելու ընթացքում: Հոր անհաջողությունների և անհեթեթ պահվածքի միջոցով պատմությունը ցույց է տալիս, որ ամերիկյան երազանքը, որը խորհրդանշվում է ձվի միջոցով, պատրանքային է և անիրագործելի: Անդերսոնը ծաղրում է 20-րդ դարասկզբին ամերիկյան ժողովրդի հարստության մոլեռանդ ցանկությունը: