«Խերեսի տակառը» Էդգար Ալլան Պոյի պատմվածքներից է՝ հրատարակված 1846 թվականի նոյեմբերին։ Այս սոսկալի պատմության գլխավոր հերոսը արիստոկրատ Մոնթրեսորն է, ով, ինչպես ինքն է պնդում, հազարավոր վիրավորանքներ կրելով գիտակ Ֆորտունատոյից, ի վերջո, հերթական վիրավորանքի պատճառով վրեժ է տենչում։ Կառնավալի տոնակատարությունների ժամանակ Մոնթրեսորը հանդիպում է հարբած Ֆորտունատոյին և պատրվակով, որ ցանկանում է իմանալ վերջինիս կարծիքը վերջերս գնված ամոնտիլադո խերեսի տակառի մասին, տանում է իր առանձնատուն՝ վրեժխնդիր լինելու։