«Այու սարի լանջին», հայ արձակագիր Ակսել Բակունցի պատմվածքներից է, որը ներառված է 1927 թվականի լույս տեսած «Մթնաձոր» ժողովածուում

Պատմվածքում պատկերված է 1914-1918 թվականների զանգեզուրյան մի գյուղակ, հավանաբար Երիշենը, իսկ քաղաքը, որտեղ գլխավոր հերոսը՝ Պետին, «մի անգամ էր եղել», Գորիսն է։ Պետին ունեցել է իր նախատիպը, իսկ պատմվածքը՝ նախապատմություն։ Պատմվածքում նկարագրված են 1904-05 թվականներին Զանգեզուրում բռնկված՝ խոշոր եղջերավոր անասունների համաճարակի հետ առնչվող իրադարձությունները և ահարկու պատերազմը, որը խլեց Պետիի կյանքը։