«Ինչո՞ւմն էր ուժը» այլաբանական զրույց է, որտեղ հնդիկ թագավորը փորձում է գտնել իր ամենաուրախ, բայց տկար բանվոր Հասանի գերմարդկային ուժի գաղտնիքը։ Իմաստուն վեզիրը բացահայտում է, որ ուժի աղբյուրը ոչ թե ֆիզիկական տվյալներն են, այլ Հասանի երջանիկ ընտանեկան կյանքն ու կնոջ սերը։ Այդ սերը չհասկացող թագավորը հրամայում է առևանգել Հասանի կնոջն ու երեխային, ինչից հետո բանվորը կորցնում է իր ողջ ուժը՝ երևան հանելով այն ճշմարտությունը, որ ուժը սիրո ծնունդ է։