«Առանց դավանանքի» լեհ գրող Հենրիկ Սենկևիչի 1891թ. գրված վեպն է։ Վեպի հերոսները հեղինակի ժամանակակիցներն են: Վեպը առանց դավանանքի մարդկանց սերնդի մասին է: Վեպի հերոսը՝ հարուստ և ազնվական ընտանիքից սերված Լեոնը, չի կարողանում կյանքում իր արժանի տեղը գտնել: Որոնումների մղումով մեկնում է Եվրոպա` ճանապարհորդության: Նա անվերջ ուսումնասիրությունների մեջ է, ուսումնասիրում է պատմությունը, շրջապատը, մարդկանց հոգին:
