«Հինգ շաբաթ օդապարիկով» վեպը Ժյուլ Վեռնի առաջին արկածային ստեղծագործությունն է։ Դոկտոր Սամուել Ֆերգյուսոնը՝ Լոնդոնի աշխարհագրական միության անդամ, Ջո անունով ծառայի ու «Դիք» մականունով ընկերոջ՝ Ռիչարդ Քենեդիի հետ ճանապարհորդության է մեկնում դեպի այն ժամանակ դեռևս չբացահայտված Աֆրիկա ջրածնով լցված օդապարիկով։ Հերոսները նոր աշխարհագրական հայտնագործություններ են անում ու բազմիցս ստիպված են լինում պայքարել տեղաբնիկների դեմ։
