«Խավարի սիրտը» լեհ անգլիացի գրող Ջոզեֆ Քոնրադի արկածային վիպակն է, որն առաջին անգամ հրատարակվել է 1902 թվականին։
Վիպակում ներկայացվում է գլխավոր հերոս՝ ծովագնաց Մարլոուին, ով հիշում է իր ճանապարհորդությունը Կենտրոնական Աֆրիկա։ «Ընկերության» հանձնարարությամբ նա պետք է ժամաներ հեռավոր կայարան, որպեսզի իր հետ տաներ ընկերության գործակալներից մեկին՝ Կուրտց ազգանունով, ով զբաղվում էր փղոսկր հավաքելով։ Գրքի հիմնական մասը նկարագրում է Մարլոուի՝ տարածքին անծանոթ եվրոպացու արևադարձային գետով ճանապարհորդության պատմությունը։ Նրա պատմությունը լի է կողմնակալ, բայց ոչ պակաս սարսափելի մանրամասնություններով, ինչպես բնիկ ժողովրդի կյանքի, այնպես էլ հեռավոր գաղութում հաստատված կարգ ու կանոնի մասին։ Այնուամենայնիվ գլխավոր հերոսին ամենաշատը սարսափեցնում է Կուրտցը, որը պարզունակ բնազդների մարմնացում էր, որոնք թաքնված են յուրաքանչյուր մարդու հոգու խորքում և որոնց, եթե ազատություն տաս, ամբողջությամբ կենթարկեցնեն իրենց։
