Մուրացկանությունը դիմակ է, որի տակ պատսպարվածը հաճախ թաքցնում է իր ներքին ողբերգությունը։ Պատմվածքի հերոսը գաղթական է, որն աշխատանք չունենալու պատճառով  ստիպված զբաղվում է մուրացկանությամբ։ Նրա անցյալի մասին ոչ ոք ոչինչ չգիտե, ուստի շրջապատում նրան վերաբերվում են քամահրանքով, կամ խղճահարությամբ։

Ծննդավայր, տուն ու ունեցվածք կորցրած գաղթականը նվաստացումներին հակազդելու մի մեխանիզմ ունի՝ ցինիզմը, որը բնավ էլ բնութագրական չի եղել նրա նախորդ կյանքին։ Հենց այս ներհակության միջավայրում են ծավալվում գործողությունները, որոնք պատմվածքում ինչքան հումորիկ, նույնքան էլ ողբերգական շեշտվածություն ունեն։

Շնորհակալություն ենք հայտնում արձակագիր Կիմ Գաբրիելյանին՝ իր պատմվածքները ձայնագրելու և  էլեկտրոնային ու ձայնային տարբերակները մեր կայքում անվճար տեղադրել թույլատրելու համար։