Գրքի վերնագիրը՝ «Հեկե-Դուկե»-ն մանկական խաղի անուն է։ Հեղինակը՝ Զինե Մամոյանը, ազգությամբ եզդի է, Փարիզում բնակվող։ Հայերեն գրող հեղինակի առաջին գիրքն է։ Արվեստի քննադատ Վարդան Ջալոյանը գրքում զետեղված իր խոսքում ասում է.

«Զինեն քրդական բանավոր ավանդույթի հարազատ կրողն է, բայց պատմում է «շատ սիրուն և բարի» հայերենով, երբեմն հեգնելով հայերենը եզդիական ոճավորումով: Վեպում տեսանելի ներկա է ֆրանսիականը: Այս երեք մշակույթները խառնուրդ են կազմում, որը վեպին տալիս է դիալոգային և կառնավալային բնույթ»։